Liv Matye
Chapit 1
Klike la pou koute lekti chapit sa1
Liv orijin Jezi Kris, Pitit Gason David la, Pitit Gason Abraram nan.
2
Abraram te fè Izarak, Izarak te fè Jakob, Jakòb te fè Jida ak lòt frè l yo.
3
Jida menm te fè Perèz ak Zara. Se Tama ki te manman yo. Perèz te fè Eswòm; Eswòm te fè Aram.
4
Aram te fè Amenadab; Amenadab te fè Naason; Naason te fè Salmon.
5
Salmon te fè Boaz. Se Raab ki te manman Boaz. Boaz te fè Obèd. Se Rit ki te manman Obèd.
6
Obèd te fè Izayi, Izayi te fè wa David. David te fè Salomon. Se Madan Ouri ki te manman Salomon.
7
Salomon te fè Woboram; Woboram te fè Abya; Abya te fè Asa.
8
Asa te fè Jozafa; Jozafa te fè Joram; Joram te fè Ozyas;
9
Ozyas te fè Joatam; Joatam te fè Akaz; Akaz te fè Ezekyas;
10
Ezekyas te fè Manase; Manase te fè Amon; Amon te fè Jozyas;
11
Jozyas te fè Jekonyas ak lòt frè l yo; nan epòk ke yo te mennen yo ale nan Babilòn nan.
12
E, apre ke yo te mennen yo Babilòn, Jekonyas te fè Salatyèl. Salatyèl te fè Zowobabèl;
13
Zowobabèl te fè Abiyoud; Abiyoud te fè Elyakim; Elyakim te fè Azò;
14
Azò te fè Sadòk; Sadòk te fè Akim; Akim te fè Eliyoud;
15
Eliyoud te fè Eleaza; Eleaza te fè Matan; Matan te fè Jakòb;
16
epi, Jakob te fè Jozèf, mari Mari a, se pa mwayen li ke Jezi te pran nesans, Sila a ke yo rele Kris la.
17
Donk, tout jenerasyon, soti de Abraram rive sou David, se katòz jenerasyon; epi, soti de David rive sou lè yo mennen yo Babilòn nan, gen katòz jenerasyon, e, soti de lè yo te mennen yo Babilòn nan, rive sou Kris la, gen katòz jenerasyon.
18
Alò, nesans Jezi Kris te rive konsa: Lè ke manman Li te marye ak Jozèf, anvan ke yo te viv ansanm, e, li te twouve vin ansent ak Pitit Lespri Sen a.
19
Konsa, Jozèf, mari l la, ki te yon nonm ki jis, e ki pa t vle fè eskandal piblik avèk li, li t ap panse voye l ale an prive.
20
Men, pandan li t ap reflechi sou bagay sa yo, twouve ke Zanj Senyè a parèt devan l nan yon rèv, li te di: Jozèf, ou menm pitit gason David la, pa pè pran Mari lakay ou kòm madanm ou; paske sa ki anndan vant li an, se pou Lespri Sen Li ye.
21
E, li gen pou akouche yon tigason, e w ap rele non Li JEZI, paske Li gen pou Li sove pèp Li a anba peche yo.
22
Alò, tout bagay sa yo te rive pou ke sa te ka akonpli, sa ki te di de Senyè a pa pwofèt yo, ki te deklare:
23
Gade, yon vyèj gen pou l ansent, epi li gen pou l akouche yon pitit gason; e, yo gen pou rele non li Emanyèl, ki vle di, lè w entèprète l: Bondye avèk nou!
24
Konsa, Jozèf leve nan dòmi, e li fè tankou Zanj Senyè a te di li a, e li pran madanm li avè l;
25
e, li pa t kouche avè l jiskaske li te akouche premye pitit gason li a; e misye te rele non li JEZI.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!