Liv Matye
Chapit 3
Klike la pou koute lekti chapit sa1
Nan jou sa yo, Jan Batis te vini, li t ap preche nan dezè Jide a,
2
li t ap di: Repanti, paske wayòm Bondye a pre rive!
3
Paske, se de li menm ke pwofèt Ezayi te pale a, lè li te di: Vwa yon nonm ap rele nan dezè a: pare chemen Senyè a, fè ti wout Li yo dwat.
4
E, menm Jan sa a, te mete yon rad an plim chamo, yon sentiwon ankui mare nan ren l; e, manje l te manje, se te krikèt ak siwo myèl mawon.
5
Konsa, moun Jerizalèm, e tout Jide a, ak tout rejyon ozalantou Jouden an, te soti vin bò kote l,
6
e, yo te batize nan men l nan Jouden an; yo t ap konfese peche yo.
7
Men, lè li wè plizyè nan Farizyen yo ak Sadiseyen yo te vini nan batèm li an, li di yo konsa: Jenerasyon sèpan, kiyès ki avèti nou pou nou chape poul nou anba kolè k ap vini an?
8
Alò, donnen fwi ki sanble ak fwi repantans non!
9
Epi, pa panse pou nou di nan kè nou, nou gen Abraram kòm papa; paske, mwen di nou sa, sèke Bondye kapab pran wòch sa yo, pou Li pwodwi pitit pou Abraram.
10
Epitou, rach deja mete nan rasin pyebwa yo; konsa, chak pyebwa ki pa donnen bon fwi, ap koupe, e voye jete nan dife;
11
Anfèt, mwen batize nou nan dlo pou mennen nan repantans, men, Sila ki vin apre m nan pi gran pase m, soulye L, mwen pa merite pote, Li genyen pou batize nou avèk Lespri Sen an, e ak dife.
12
Li genyen laye L nan men L, e, Li pral netwaye galasi L klin, epi, L ap ranmase grenn ble yo met nan depo; men, L apral boule pay yo ak yon dife ki pa ka etenn.
13
Epi, men Jezi ki soti Galile pou vin nan Jouden bò kote Jan, pou ke Li batize pa misye.
14
Men, Jan derefize L, li di: se mwen ki gen bezwen pou m batize nan men W; epi se Ou ki vin kote m?
15
E Jezi, pou reponn li, di l konsa: Pèmèt ke sa fèt konsa kounye a, paske li nesesè pou nou akonpli tout sa ki dwat. Epi, li pèmèt Li.
16
E, lè Jezi te batize, Li leve kanpe dwat soti anba dlo a; epi twouve syèl la louvri sou Li, epi L wè Lespri Bondye desann tankou yon pijon, e klere limyè sou Li.
17
Epi twouve yon vwa soti nan syèl la, pou di: Sa se Pitit Gason Byeneme Mwen an; nan Li, Mwen jwenn anpil plezi.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!