Liv Matye
Chapit 4
Klike la pou koute lekti chapit sa1
Apre sa, Jezi te kondui pa Lespri a nan dezè a, pou ke Li tante pa dyab la.
2
E, lè ke Li te jene pandan karant jou, karant nuit, Li te vin grangou.
3
Alò, lè Tantatè a vin kote L, li di Li: Si W se Pitit Gason Bondye a, kòmande pou wòch sa yo tounen pen!
4
Men, Li reponn li, e Li di: Sa ekri, lòm pa dwe viv de pen sèlman, men de chak pawòl ki soti nan bouch Bondye.
5
Epi, dyab la pran Li, li monte al nan vil sent lan, e li mete L kote ki pi wo nan tanp lan;
6
Epi, li di Li: Si W se Pitit Gason Bondye a, lage tèt Ou anba, paske, sa ekri: Li va pase zanj Li yo lòd pou pran w anchaj, e se nan men yo y ap pote w, pou sa pa rive nenpòt lè ke w bite pye w sou yon wòch.
7
Jezi di li: Sa ekri ankò, Ou pa dwe tante Senyè Bondye w la.
8
Apre ankò, dyab la pran Li monte sou yon mòn ki gen yon wotè depase mezi, epi li montre L tout wayòm yo ki nan lemonn nan, e tout glwa ke yo genyen;
9
Epi li di Li: Tout bagay sa yo, m ap ba Ou yo, si W lage kò W atè pou W adore m.
10
Alò, Jezi di li: Disparèt ou devan M nan, Satan! Paske, sa ekri: Ou dwe adore Senyè a, Bondye w la; e, se Li menm sèl ou dwe sèvi.
11
Alò, dyab la kite L, epi twouve ke zanj vini, e yo ba L sèvis.
12
Kounye a, lè Jezi te tande ke Jan te fèmen nan prizon, Li pati, L al Galile,
13
epi L pase kite Nazarèt, Li rive e Li rete nan Kapènawòm, ki nan kòt lanmè a, nan fwontyè Zabilon ak Neftali.
14
Se pou sa ka akonpli, sa ki te di pa pwofèt Ezayi a:
15
Tè Zabilon ak tè Neftali, nan chemen bò lanmè a, lòtbò Jouden an, rive nan Galile Payen yo:
16
Pèp ki te chita nan fènwa yo, wè yon gwo limyè; e, pou yo menm ki te chita nan zòn ak lonbraj lanmò, limyè te jayi.
17
Depi lè sa a, Jezi kòmanse preche e deklare: Repanti, paske wayòm Bondye a rive.
18
Pandan Jezi t ap mache bò lanmè Galile a, Li wè de frè, Simon, ke yo te rele Pyè a, ak Andre, frè li, ki t ap voye privye nan lanmè a, paske, se pechè pwason yo te ye.
19
Epi, Li di yo: Suiv Mwen, epi M ap fè nou vini pechè lèzòm.
20
Epi, menm lè a, yo kite privye yo, e yo suiv Li.
21
Apre ke L soti la a, Li wè de lòt frè, Jak, pitit gason Zebede a, ak Jan, frè li, nan yon kannòt, avèk Zebede, papa yo, yo t ap repare filè yo; epi, Li rele yo.
22
E, menm lè a, yo kite kannòt la ak papa yo, epi yo suiv Li.
23
Epi, Jezi al nan tout Galile, Li t ap anseye nan sinagòg yo, e preche levanjil wayòm nan, e geri tout kalite maladi ak tout sòt enfimite pami pèp la.
24
E, popilarite L ale tout anndan peyi Siri; e, yo pote ba Li tout moun malad ki t ap soufri divès maladi ak touman, e sa yo ki te posede pa demon, e sa yo ki te tèt cho, e sa yo ki te paralize; epi, Li geri yo.
25
E, la konsa, yon gwo foul moun t ap suiv Li, ki soti Galile, e Dekapolis, e ki soti Jerizalèm, e ki soti Jide, ak lòtbò Jouden an.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!