Liv Matye
Chapit 9
Klike la pou koute lekti chapit sa1
Epi, Li anbake nan yon kannòt, Li travèse, epi Li vin rive nan pwòp vil pa L la.
2
E, twouve yo mennen ba Li yon nonm ki malad paralize, kouche sou yon kabann; e Jezi ki wè lafwa yo, di nonm ki malad paralize a: Pitit gason M, pran kouraj, peche w yo padone.
3
Alò, twouve sèten nan pwofesè Lalwa yo di nan kè yo, nonm sa a ap blasfeme.
4
E, Jezi ki konnen panse yo, di: Sa k fè nou genyen move lide sa yo nan kè nou?
5
Paske, èske li pi fasil pou di: Peche w yo padone; oswa pou w di, leve, epi mache?
6
Men, pou nou konnen ke Pitit Gason Lòm nan gen pouvwa sou latè pou Li padone peche, (alò, Li di nonm ki malad paralize a) Leve, pran branka w, epi al lakay ou.
7
Epi, li leve, e, l ale lakay li.
8
Men, lè foul moun yo wè sa, yo te sezi, epi yo glorifye Bondye, ki te bay kalite pouvwa sa a bay lèzòm.
9
E, pandan Jezi t ap mache pou L al pi lwen, Li wè yon nonm ki te rele Matye, ki te chita devan biwo kontribisyon an; epi Li di misye: Suiv Mwen! Epi, li leve, li suiv Li.
10
Epi sa vin rive ke, pandan Jezi te chita ap manje nan kay la, twouve plizyè pèseptè ak moun k ap viv nan peche te vin chita avèk Li ak disip Li yo.
11
E, lè Farizyen yo wè sa, yo di disip Li yo: Poukisa Mèt nou an ap manje ak pèseptè e ak moun k ap viv nan peche?
12
Men lè Jezi tande sa, Li di yo konsa: Moun ki ansante pa bezwen doktè, men se moun ki malad.
13
Men, nou menm, ale aprann sa sa vle di: Se mizerikòd Mwen vle, e nonpa sakrifis; paske Mwen pa vini pou M rele moun ki jis yo, men pechè yo, pou mennen nan repantans.
14
Apre sa, disip Jan yo vin kote L, yo di Li: Poukisa nou menm ak Farizyen fè jèn souvan, alòske, disip Ou yo pa fè jèn?
15
E, Jezi di yo: Èske gasondonè yo kapab andèy tout pandan lemarye a la avèk yo a? Men, jou yo ap vini, kote ke y ap wete lemarye a pami yo; lè sa a, yo va fè jèn.
16
Pèsonn pa janm pyese yon pyès twal nèf sou yon vye rad; paske, sa ke yo mete pou kouvri rad la, t ap ratresi, epi dechire a t ap vin pi mal.
17
Nonplis tou, yo pa mete nouvo diven nan Ansyen veso, si se pa sa, veso yo ap pete, epi diven an ap gaspiye, e veso yo ap detwi; men, yo mete nouvo diven nan nouvo boutèy, konsa, toude ap prezève.
18
Pandan Li t ap pale de bagay sa yo avèk yo, twouve yon sèten chèf vin rive, epi li koube pou adore Li, li di: Pitit fi mwen an fèk mouri; men, vini, epi poze men W sou li, e li va viv.
19
Epi, Jezi leve, Li suiv li, e disip Li yo tou.
20
Epi, twouve yon madanm ki te gen yon maladi pèdisyon san depi douz an, pwoche pa dèyè Li, epi l touche franj rad Li;
21
Paske l te di nan kè l: Si m rive manyen rad Li, m ap geri.
22
Men, Jezi vire tèt Li, e, lè Li wè li, Li di: Pitit fi Mwen, pran kouraj, lafwa w geri w. Epi, madanm nan te geri menm lè a.
23
E, lè Jezi antre lakay chèf la, epi, Li wè jwè flit ak yon foul moun ki t ap fè bwi,
24
Li di yo: Soti la; paske tifi a pa mouri, men, se dòmi l ap dòmi. E lè sa a, yo pran ri, e pase L nan rizib.
25
Men, lè yo fin mete foul la deyò, Li antre, epi Li pran men tifi a, epi tifi a leve.
26
Epi nouvèl sa a gaye toupatou nan peyi a.
27
Alèkile, lè Jezi kite la a, de avèg te pran suiv Li, yo t ap rele: Pitit Gason David la, gen mizerikòd pou nou!
28
E, lè Li rive nan kay la, avèg yo vin bò kote L; e Jezi di yo: Èske nou kwè ke M ka fè sa? Yo di Li: Wi Senyè!
29
Alò, Li manyen je yo, Li di: Dapre lafwa nou, ke sa fèt konsa pou nou.
30
Epi, je yo te louvri; epi, Jezi avèti yo, Li di: Wè aske pou pèsonn pa konn sa.
31
Men yo menm, lè yo ale, yo simayen glwa non Li nan tout peyi a.
32
Pandan yo t ap mache, twouve yo mennen ba Li yon nonm bèbè ke yon demon te posede.
33
Epi, lè demon te fin chase, bèbè a pale; e, tout foul moun yo te sezi, yo di: Pèsonn pa janm wè bagay konsa nan peyi Izrayèl!
34
Men, Farizyen yo t ap di: L ap chase demon gras a prens demon an!
35
Epi, Jezi pwomennen nan tout vil ak tout bouk, Li t ap anseye nan sinagòg yo, e Li t ap preche levanjil wayòm nan, epi, Li t ap geri tout kalite maladi ak tout kalite enfimite pami pèp la.
36
Men, lè Li te wè foul moun yo, Li te vin plen ak konpasyon pou yo, paske yo te twouble, yo te gaye, tankou mouton ki pa gen bèje.
37
Alò, Li di disip Li yo, Rekòt la anpil vre, men kantite travayè yo piti;
38
Donk, lapriyè Mèt rekòt la, pou Li voye travayè nan rekòt Li a.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!