Liv Women
Chapit 4
Klike la pou koute lekti chapit sa1
Kisa menm nou va di ke Abraram, zansèt nou an daprè lachè a, te jwenn?
2
Paske, si Abraram te jistifye poutèt zèv li, ebyen, li t ap gen dekwa pou li vante tèt li; men, se pa devan Bondye!
3
Paske, kisa Lekriti di? Abraram te kwè Bondye, epi, sa te konte kòm jistis pou misye.
4
Kounye a la a, pou moun sa ki travay la, salè ke l jwenn nan pa konsidere tankou yon gras, men pito tankou yon dèt;
5
alòske pou moun ki pa travay la, men ki kwè nan Sila ki jistifye moun ki san respè pou Bondye a, ebyen, lafwa li a konte tankou jistis.
6
Menm jan ke David tou te dekri ki kalite benediksyon yon moun resevwa, moun sa a ke Bondye jistifye san zèv la.
7
Li di konsa: Se moun yo ki beni, sila yo ki gen inikite yo ki padonnen, e ki gen peche yo ki kouvri.
8
Se yon moun ki beni, sila a ke Senyè a pa akize de peche.
9
Alò, èske benediksyon sa a vini pou sikonsi yo sèlman, oswa pou ensikonsi yo tou? Paske, nou te di ke lafwa a te konsidere kòm jistis pou Abraram.
10
Lè sa a, kouman ke li te konsidere a? Èske se lè misye te sikonsi, oswa lè l te ensikonsi? Se pa t lè li te sikonsi; men, se lè li te ensikonsi!
11
Epi, misye te resevwa siy sikonsizyon an, yon so jistis ki vin pa lafwa a, pandan menm ke li potko sikonsi. Yon fason pou li te ka vin papa tout sa yo ki kwè, menmsi yo pa ta sikonsi, pouke jistis ava rive jwenn yo tou;
12
epi, li se papa sikonsi yo, sila yo ki pa sikonsi sèlman, men tou ki mache suiv tras pye lafwa papa nou Abraram nan, ke li te genyen an, lè l te ensikonsi toujou.
13
Paske, pwomès ke li ta va eritye lemonn nan, li pa t vini bay Abraram, ni bay desandans li, pa mwayen lalwa, men pito pa mwayen jistis ki soti nan lafwa a.
14
Paske, si se pa mwayen lalwa yo ta vin eritye, ebyen, lafwa a vin pa vo anyen, epi, pwomès la vin san zefè!
15
Paske, lalwa a pwodwi kòlè; e, kote ki pa gen okenn lwa, pa gen okenn vyolasyon.
16
Konsa donk, se nan lafwa ke l ye, dekwa pou li ka daprè gras, pouke pwomès la ka asire pou tout desandans yo, non sèlman pou sila yo ki daprè lalwa yo, men tou, pou sila yo ki daprè lafwa Abraram nan, Li menm ki se papa nou tout,
17
(Jan sa te ekri a: Mwen fè ke w se yon papa pou anpil nasyon) devan Sila a ke misye te kwè nan Li a, sètadi, Bondye, ki bay mò yo lavi a, epi, ki rele tout bagay ki pa egziste yo, tankou yo te egziste a.
18
Misye ki anfas dezespwa, te met konfyans li nan espwa, dekwa pou li te vin papa yon bann nasyon, daprè sa ki te ekri a: Se konsa ke desandans ou yo va ye!
19
Lèfini, difèt ke li pa t fèb nan lafwa, li pa t ni konsidere pwòp kò l ki te fin kadav, lè l te prèske gen santan konsa, ni konsidere vant Sara ki pa t gen lavi ankò;
20
li pa t doute pwomès Bondye a, kòmsi ke l pa t kwè ladan l, men, li te fèm nan lafwa, e li te bay Bondye glwa.
21
Epitou, li te gen konviksyon ke sa Li te pwomèt la, Li te kapab fè l rive tou!
22
Alò, se poutèt sa ke sa te vin konsidere kòm jistis pou li.
23
Kounye a la a menm, se pa t pou tèt pa l sèlman, ke sa te konsidere pou li a,
24
men, pou nou menm tou, Li va konsidere sa konsa tou, si nou kwè nan Sila a ki resisite Jezi, Senyè nou an, pami mò yo;
25
Li menm ki te livre pou ofans nou yo, epi ki te resisite pou jistifikasyon nou.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!