Liv Women
Chapit 6
Klike la pou koute lekti chapit sa1
Kisa nou va di alò? Èske nou va kontinye nan peche, pou gras la debòde?
2
Mande Bondye padon non! Kòman pou nou menm ki mouri pa rapò ak peche, t a vin viv ladan l toujou?
3
Èske nou pa konnen ke nou tout ki te batize nan Jezi Kris la, nou te batize nan lanmò Li?
4
Konsa donk, nou te antere avèk Li pa mwayen batèm lan jis rive nan lanmò; pouke, menm jan Kris te resisite pami mò yo gras a glwa Papa a, se konsa tou nou va mache nan nouvote lavi a.
5
Paske, si ansanm, yo te fè nou vin menm kalite plant ki se reprezantasyon lanmò Li a, se konsa tou nou va vin ye, nan reprezantasyon rezireksyon Li a.
6
Nou dwe konnen ke ansyen moun nou te ye a, te krisifye avèk Li, dekwa pou kò peche a ka detwi, paske depi lè sa a, nou pa esklav peche ankò.
7
Paske, yon moun ki mouri, li libere anba peche.
8
Kounye a la a menm, si nou mouri ansanm ak Kris, nou kwè ke n ava viv avèk Li tou.
9
Paske, nou konnen ke Kris, palefèt ke Li te resisite pami mò yo a, Li pa t mouri ankò, lanmò pa t gen pouvwa sou Li ankò.
10
Paske, nan mouri Li te mouri a, Li mouri pou peche, yon sèl fwa; men nan viv L ap viv la, L ap viv pou Bondye.
11
Menm jan an tou, se pou nou aksepte ke nou menm tou, nou mouri parapò ak peche, men, ke nou vivan parapò ak Bondye, an pasan pa Jezi Kris, Senyè nou an.
12
Alò, se pa pou nou kite peche domine sou kò mòtèl nou an, jis pou n ta twouve ap obeyi move dezi li yo.
13
Nonplis tou, pinga livre manm nou yo kòm zouti enjistis pou peche; men pito, livre tèt nou bay Bondye, tankou moun ki vivan, ki soti pami mò yo; epi, livre manm nou yo kòm zouti lajistis pou Bondye.
14
Paske, peche pa ta dwe gen pouvwa sou nou, pa lefèt ke nou pa sou lalwa, men pito, nou sou lagras.
15
Kisa ki rive alò? Èske nou ta dwe peche, difèt ke nou pa sou lalwa a, men, sou lagras la? Mande Bondye padon, non!
16
Èske nou pa konn sa, moun ke w livre tèt ou ba li, tankou esklav k ap obeyi l la; ou vin esklav moun w ap obeyi a; ke seswa peche ki mennen nan lanmò, ke seswa obeyisans pou mennen nan jistis?
17
Men, se pou nou remèsye Bondye, difèt ke nou te esklav peche, Men, nou vin obeyi ak tout kè nou, tip ansèyman sa a ke yo te transmèt nou an.
18
Donk, kòm yo te fè nou vin libere anba peche, nou vin esklav jistis.
19
M ap pale tankou jan lèzòm pale, poutèt feblès lachè nou; paske, nou livre manm nou yo kòm esklav salte, epi nou sot nan yon inikite pou n al nan yon lòt inikite!
20
Paske, lè nou te esklav peche a, nou te lib de sa ki gen pou wè ak jistis.
21
Ki fwi nou te bay lè sa a, ak bagay sa yo ke nou wont de yo jodi a? Paske, finisman bagay sa yo, se lanmò!
22
Men, kounye a, kòm yo fè nou vin libere anba peche, alò, nou vin esklav Bondye; nou donnen fwi ki mennen nan sanktifikasyon, pou al fini nan lavi etènèl.
23
Paske, salè peche, se lanmò; men, kado Bondye a, se lavi etènèl atravè Jezi Kris, Senyè nou an.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!