Liv Women
Chapit 10
Klike la pou koute lekti chapit sa1
Frè yo, dezi kè mwen, e lapriyè mwen a Bondye pou Izrayèl, se pou yo tout ta sove.
2
Paske, m ap bay temwayaj sa a de yo, sèke yo gen gwo devouman pou Bondye; men, se pa daprè konesans.
3
Paske, lefèt ke yo pa konn jistis Bondye a, lèfini, ke yo chèche tabli pwòp jistis pa yo a, lakòz ke yo pa soumèt tèt yo devan jistis Bondye a.
4
Paske, Kris se finisman lalwa a, pouke tout moun ki kwè yo, jwenn jistis.
5
Paske, Moyiz te bay eksplikasyon sou jistis ki daprè lalwa a: Moun ki fè bagay sa yo, se gras a yo li va viv.
6
Men, jistis ki daprè lafwa a, men kisa l di: Pa mande nan kè w: Kiyès ki va monte nan syèl? (sa vle di, fè Kris desann sot anwo)
7
Oswa: Kiyès ki va desann nan fon labim nan? (sa vle di, fè Kris remonte ankò soti pami mò yo).
8
Men, kisa li di? Pawòl la tou pre w, li menm nan bouch ou ak nan kè w. Sa li ye, se pawòl lafwa sa a ke n ap preche a:
9
Ke si w ta va konfese ak bouch ou ke Jezi se Senyè, e ke w ta va kwè nan kè w ke Bondye te resisite Li pami mò yo, wa va sove!
10
Paske, se ak kè li ke lòm va kwè, pou rive nan jistis; e, se ak bouch li ke konfesyon va fèt, pou rive nan sali nanm.
11
Se jan lekriti di l la: Nenpòt moun ki va kwè nan Li, moun sa a p ap wont!
12
Vrèmanvre, pa gen okenn diferans ant Jwif la ak Grèk la; puiske menm Senyè ki sou tèt tout moun lan, bay richès Li, a tout moun ki fè apèl a Li.
13
Paske, nenpòt ki moun ki va fè apèl a Li, ap sove!
14
Alò, kijan yo va fè apèl a Sila a ke yo pa t kwè nan Li a? Ansuit, kijan yo va fè kwè nan Sila ke yo pa tande pale de Li a? E, kijan yo va fè tande san yon moun k ap preche?
15
Lèfini, kijan yo va preche, sof si yo voye yo? Jan sa te ekri a: Ala bèl, pye moun k ap preche levanjil lapè a bèl! Yo pote vini bon bagay ki bay anpil kè kontan.
16
Men, se pa yo tout ki te obeyi levanjil la non; paske, Ezayi te di konsa: Senyè, kiyès ki kwè nan mesaj nou an?
17
Kidonk, lafwa vini nan sa w tande; e, sa w tande, daprè Pawòl Bondye.
18
Men, m ap mande: Si se tande yo pa t tande? Wi, se vre, son vwa yo ale toupatou sou latè; e, pawòl yo rive jis nan dènye pwent lemonn.
19
Men, m ap mande: Èske Izrayèl te konnen? Premyèman, Moyiz te di konsa: M ap fè w fè jalouzi pou moun ki pa yon pèp; epi M ap fè nou fè kòlè poutèt yon nasyon moun tèt pa dwat.
20
Epoutan, Ezayi te di kareman: Moun sa yo ki pa t ap chèche Mwen yo, se yo ki jwenn Mwen! Mwen parèt tèt Mwen ba moun ki pa t ap mande pou Mwen yo.
21
Epi, pou Izrayèl, li di konsa: Tout lajounen Mwen te lonje men Mwen ba yon pèp ki rebèl e k ap retòke.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!