Liv 1 Korentyen
Chapit 10
Klike la pou koute lekti chapit sa1
Anplis de sa tou, frè yo, mwen pa ta vle pou nou pa okouran de kijan tout zansèt nou yo te anba nyaj la, e yo tout te travèse lanmè a.
2
Yo tout te batize pa mwayen Moyiz nan nyaj la ak lanmè a;
3
epi, yo tout te manje menm manje espirityèl la;
4
lèfini, yo tout te bwè menm bwason espirityèl la; avredi, yo te bwè nan Wòch espirityèl ki t ap swiv yo a: e, Wòch sa a, se te Kris.
5
Men, Bondye pa t pran plezi ditou nan anpil pami yo, puiske yo te detwi nan dezè a.
6
Alèkile, bagay sa yo se egzanp yo te ye pou nou, nan lide pouke nou pa fè konvwatiz dèyè move bagay, tankou yo te fè konvwatiz la.
7
Nonplis, se pa pou nou idolat tankou kèk nan yo te ye a; jan sa te ekri a: Pèp la chita pou manje e bwè, lèfini, yo leve kanpe pou yo pran plezi yo.
8
Nonplis tou, se pa pou nou komèt imoralite tankou kèk nan yo te komèt la; epi ke nan yon grenn jou, venntwamil tonbe frèt.
9
Nonplis ankò, se pa pou nou tante Kris tankou kèk nan yo te tante tou a, epi ke yo te detwi pa sèpan.
10
Nonplis, se pa pou n ap plenyen anba anba tankou kèk nan yo t ap plenyen an, lèfini yo te peri pa Ekstèminatè a.
11
Kounye a la a menm, tout bagay sa yo te rive zansèt yo antan ke egzanp; epi, yo ekri yo kòm avètisman pou nou, nou menm ke fen monn lan ap rive sou nou an.
12
Kidonk, se pou yon moun ki panse ke l kanpe fè atansyon pou sa pa rive ke l ta tonbe.
13
Pa gen ankenn tantasyon ki bare w apa de sa ki nòmal pou lèzòm; men, Bondye fidèl, Li menm ki p ap pèmèt ke w ta tante depase mezi sa w ka reziste; men, ak tantasyon an, Li tou trase chemen pou w chape kò w, dekwa pou w ka sipòte l.
14
Kidonk, byeneme mwen yo, kouri pou idolatri.
15
M ap pale tankou ak moun ki gen bonkonprann; egzamine sa m ap di yo.
16
Gode benediksyon ke nou beni an, èske se pa kominyon ak san Kris ke l ye? Pen ke nou kase mòso l la, èske se pa kominyon ak kò Kris ke l ye?
17
Paske, atout nou anpil la, se yon sèl pen, ak yon sèl kò ke nou ye, difèt ke nou tout se moun k ap patisipe nan sèl pen sa a.
18
Gade pèp Israyèl dapre lachè a pou w wè; èske sila yo ki manje nan sakrifis yo pa patispe nan lotèl la?
19
Kisa m vle di, atò? Èske zidòl se kichoy, oswa ke sa ki ofri kòm sakrifis bay zidòl se kichoy?
20
Men pito, m ap di ke bagay sa ke Payen yo sakrifye yo, se bay demon yo sakrifye yo, se pa bay Bondye; e, mwen pa vle ke nou ta gen kominyon ak demon.
21
Nou pa ka ap bwè sa k nan gode Bondye ansanm ak sa ki nan gode demon; nou pa ka ap patisipe nan sa ki sou tab Bondye ansanm ak nan sa ki sou tab demon.
22
Èske se chèche n ap chèche Senyè a fè jalouzi? Èske se plis fòs nou gen pase L?
23
Tout bagay legal pou mwen fè; men, se pa tout bagay ki itil. Tout bagay legal pou mwen fè; men, se pa tout bagay ki edifye.
24
Se pa pou pèsonn ap chèche enterè pa l; men, tout moun dwe ap chèche enterè pa yon lòt.
25
Nenpòt kisa ke yo vann nan mache, manje l, san nou pa poze kesyon sou li, dekwa pou konsyans nou pa twouble.
26
Paske, latè a se pou Senyè a li ye, ansanm ak tout sa l gen ladan l.
27
Si yon moun pami sila ki pa kwè yo ta envite nou nan yon fèt, epi nou ta dispoze pou n ale, nenpòt sa yo ta sèvi nou, manje l san poze kesyon, poutèt sa k gen rapò ak konsyans.
28
Men, si yon moun di nou konsa: Sa a te ofri kòm sakrifis pou zidòl wi; pinga manje l poutèt moun ki montre l la, epi poutèt konsyans. Paske, latè a se pou Senyè a li ye, ansanm ak tout sa ke l gen ladan l.
29
Lè m pale de konsyans lan, se pa konsyans pa w non, men konsyans lòt moun nan; paske, poukisa se ta konsyans lòt moun ki ta va jije libète m?
30
Vrèmanvre, si se gras ke mwen rann pou m patisipe, poukisa y ap pale m mal poutèt bagay ke m bay remèsiman pou li a?
31
Konsa donk, kit n ap manje, kit n ap bwè, oswa nenpòt sa n ap fè, nou dwe fè tout pou glwa Bondye.
32
Pinga nou ofanse ni Jwif, ni Grèk, ni legliz Bondye a;
33
tankou ke m fè tout moun plezi nan tout bagay la, san ke m pa chèche avantaj pa m, men, avantaj pa anpil lòt moun, dekwa pou yo ka sove.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!