Liv 1 Korentyen
Chapit 16
Klike la pou koute lekti chapit sa1
Kounye a, konsènan lakòlèk pou Sen yo an, menm jan mwen te rekòmande legliz Galasi yo l la, fè menm bagay la tou nou menm.
2
Nan premye jou semèn nan, se pou chak nan nou sere yon bagay apa pou sa, dapre mwayen Bondye mete nan men l; dekwa pou se pa lè m vini pou lakòlèk ap vin fèt.
3
Epi, lè m vini, kèlkeswa moun ke nou va deziyen nan lèt nou yo, se yo menm ke m va voye pou pote kado nou an Jerizalèm.
4
E, si sa ta merite ke m ale tou, ebyen, yo va ale avèk mwen.
5
Alò, lè ke m pral vini kote nou an, se nan moman ke m ap travèse Masedwàn – paske m ap gen pou m travèse Masedwàn.
6
E, sa posib ke m ka fè yon rete avèk nou, oubyen ke m ka menm pase livè a avèk nou; konsa, nou ka mennen m ale nan kèlkeswa wout m ap gen pou m pran an.
7
Vrèmanvre, se pa anpasan m ap wè nou fwa sa a; men mwen kwè ke m ap mize bon kou tan ak nou, si se volonte Senyè a.
8
Men, mwen pral rete Efèz jis rive Pannkòt;
9
paske, yon gwo pòt k ap bay rezilta louvri pou mwen; men, gen anpil advèsè.
10
Antwot, si Timote vini, fè ansòt pou li rete pami nou san ankenn krentif; paske, se travay Senyè a misye ap fè, menm jan m ap fè tou a.
11
Alò, se pa pou pèsonn meprize l, men pito, akonpaye l nan lapè, pou ke li ka vin jwenn mwen, paske m ap tann li ansanm ak frè yo.
12
Konsènan frè nou, Apolòs, se te pi gwo dezi m pou li te vini kote nou ak frè yo; men, se pa t volonte misye menm nan moman an; men, li va vini lè l gen okazyon konvnab pou fè sa.
13
Veye! Kenbe fèm nan lafwa! Met gason sou nou! Fòtifye tèt nou!
14
Se pou tout bagay fèt ak lanmou nan kè nou.
15
Men sa m ap mande nou, frè yo, (nou konnen moun lakay Stefanyas yo, ke se li ki premye fwi nan Akayi; lèfini, yo konsakre tèt yo osèvis Sen yo)
16
se pou nou soumèt nou a moun konsa, e a tout moun k ap ede e k ap travay avèk nou.
17
Mwen kontan dèske Estefanas, Fòtinatis ak Akayisis vini an; konsa, sa ki te manke bò kote pa nou, yo ofri l nan plas nou.
18
Paske avredi, yo soulaje e lespri m, e lespri pa nou; donk, se pou nou apresye kalite moun konsa.
19
Legliz ann Azi yo voye salye nou. Akilas ak Prisil salye nou anpil anpil nan Senyè a, ansanm ak legliz ki lakay yo a.
20
Tout frè yo voye salye nou. Se pou nou youn salye lòt ak yon bo ki sen.
21
Se mwen menm Pòl ki salye nou ak pwòp men m.
22
Si yon moun pa renmen Senyè Jezi Kris, se pou l modi. Maranata!
23
Ke gras Senyè nou an, Jezi Kris, avè nou!
24
Lanmou mwen va avèk nou tout, nan Kris Jezi. Amèn.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!