Liv 2 Korentyen
Chapit 9
Klike la pou koute lekti chapit sa1
Avredi, pou sa ki gen pou wè ak sèvis ke w ap rann Sen yo a, pa gen nesesite pou m ekri w sou sa toujou;
2
Paske, mwen konnen jan ke se lide sensè ou genyen; sa ke mwen fè lwanj pou ou devan moun Masedwàn yo, pou di yo ke depi ane pase anwo, Akayi li menm te gentan pare; e, devouman w te pouse ankourajman lakay pi fò nan yo.
3
Kounye a menm, mwen voye frè yo, pou sa pa rive ke lwanj ke m t ap fè pou ou konsènan bagay sa a, se te pou anyen; e ke w te gentan pare vre, jan m te di l la.
4
Mwen pa ta vle pou si moun Masedwàn yo vin avè m, epi yo jwenn ke ou pa t pare, ke poutèt menm asirans lwanj sa ke m te fè a, kalite wont sa a va tonbe sou mwen, pou m pa di sou ou menm tou.
5
Se pou rezon sa a ki fè ke m te panse li nesesè pou m te ankouraje frè yo pou yo te pran devan al kote w; epi, pou yo regle zafè ofrann ke w te deja pwomèt anvan an, e pou ke l gentan pare, dekwa pou ke li prezante tankou yon ofrann, e nonpa tankou zak moun ki peng.
6
Men sa m vle di pa la: Moun ki simen yon tikal, se yon tikal tou l ap rekòlte; moun ki simen an kantite, se an kantite tou l ap rekòlte.
7
Se pou chak moun bay dapre sa ke l deside nan kè l; sa pa dwe ni ak regrè, ni nan fòse, paske Bondye renmen moun ki bay ak kè kontan.
8
E, Bondye gen pouvwa pou Li fè gras desann sou nou ann abondans, pou ke difèt ke nou toujou gen ase kantite nan tout bagay, nou kapab fè tout kalite bòn zèv.
9
(Jan sa te ekri a: Li te simayen bay tout kote, Li te bay pòv yo; dwati Li ap la pou letènite.
10
Alò, Sila a ki te sèvi semans bay moun k ap simen an, se Li tou ki alafwa, e sèvi pen ba ou pou w manje, e ki miltipliye semans ke w simen yo, e ogmante fwi ladwati w yo;)
11
se konsa ke n ap vin rich depase mezi nan tout kalite bagay; sa k ap lakòz ke pa mwayen nou menm, moun va rann Bondye gras.
12
Paske, egzekisyon sèvis sa a, li non sèlman satisfè bezwen Sen yo, mentou, li lakòz ke Bondye resevwa anpil remèsiman.
13
Lèfini, pa mwayen eksperyans sa a, yo va glorifye Bondye e poutèt jan ke nou demontre nou soumèt tèt nou bay levanjil Kris la, e poutèt kalite èd sa ke nou distribye ba yo menm ak ba tout moun.
14
Epi, ak lapriyè pa yo pou nou ki fèt akòz afeksyon ke yo genyen pou nou an, pou jan yo wè gras Bondye ann abondans lakay nou.
15
Remèsiman pou Bondye poutèt kalite kado Li sa a ki pa gen mo pou pale de li.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!