Liv Galat
Chapit 3
Klike la pou koute lekti chapit sa1
O, moun Galasi yo, bann egare; kiyès ki anvoute nou pou fè nou pa obeyi laverite a, nou menm ki te wè ak je nou prezantasyon ki kanpe Jezi Kris krisifye, devan nou an?
2
Sa sèlman mwen ta renmen aprann nan men nou, èske nou te resevwa Lespri a pa mwayen zèv lalwa oswa pa mwayen mesaj lafwa a nou te tande?
3
Se konsa n egare? Nou te kòmanse nan Lespri a, epi kounye a n ap jwenn lapèfeksyon nan lachè?
4
Èske nou te soufri anba tout bagay sa yo pou granmesi? Si se ta pou granmesi vre.
5
Kidonk, sila ki te ban nou Lespri a, e ki te fè mirak pami nou an, èske se pa mwayen zèv lalwa ke li te fè l oswa pa mwayen mesaj lafwa a nou te tande?
6
Menm jan an, Abraram te kwè Bondye, e ke yo te konsidere sa tankou jistis pou li a;
7
donk nou dwe konnen ke moun yo ki gen lafwa a, se yo menm ki pitit Abraram.
8
Epitou, Lekriti, ki prevwa ke Bondye t ap jistifye Payen yo gras a lafwa, te anonse bòn nouvèl la davans bay Abraram, li te di: Nan ou, tout nasyon yo va beni.
9
Ansòt ke moun ki kwè yo, yo beni ansanm avèk Abraram, nonm ki fidèl la.
10
Paske, tout moun k ap konte sou zèv lalwa, yo anba madichon; paske men sa ki ekri: Madichon pou tout moun ki pa kontinye nan tout sa ki ekri, nan liv lalwa a pou obsève yo.
11
E; lefèt ke pèsonn p ap jistifye devan Bondye pa mwayen lalwa a, se yon bagay ki klè, paske, moun jis lan va viv pa mwayen lafwa.
12
E, lalwa pa sot nan lafwa, men: moun ki obsève bagay yo, se pa mwayen yo menm l ap viv.
13
Kris te rachte nou anba madichon lalwa a, difèt ke Li te tounen yon madichon pou nou, paske, men sa ki ekri: Madichon pou tout moun ke yo pann sou yon bwa.
14
Dekwa pou benediksyon Abraram yo te ka vini sou Payen yo gras a Jezi Kris, pou ke nou ka resevwa pwomès Lespri a pa mwayen lafwa.
15
Frè yo, m ap pale dapre koutim lèzòm; menm si se temwayaj yon moun, sepandan, si li vin ratifye, pèsonn pa ka anile oswa ajoute anyen ladan l.
16
Alòske, se bay Abraram ak desandans li a ke pwomès yo te fèt. Li pa t di, ak desandans li yo, tankou se ta plizyè, men tankou se youn: ak desandans li a, ki se Kris.
17
E, men sa m vle di, sèke lalwa a ki li menm vini katsantrant lane apre, li pa ta ka anile testaman ki te ratifye devan Bondye a nan Kris la, jis pou ke l ta rann pwomès la san zefè.
18
Paske, si eritaj la te sot nan lalwa, li pa t ap sot nan pwomès la ankò; men, Bondye te bay Abraram li pa mwayen pwomès.
19
Alò, a kisa lalwa sèvi menm? Li te vin ajoute akòz vyolasyon yo, jiskaske desandans lan vini, Sila ke yo te fè pwomès la; e zanj te pwoklame L, nan men yon medyatè.
20
Alòske, yon medyatè pa medyatè pou yon sèl moun, men, Bondye se yon sèl.
21
Konsa donk, èske lalwa kanpe kont pwomès Bondye yo? Mande Bondye padon non! Si te gen yon lwa ki bay, epi li te kapab bay lavi; lè sa a vre, jistis ta dwe vini pa mwayen lalwa.
22
Men, Lekriti ansèkle tout bagay anba peche, pou ke pwomès pa mwayen lafwa nan Jezi Kris la kapab rive jwenn moun ki kwè yo.
23
Men, anvan lafwa te vini, nou te rete sou gad lalwa, nou te prizonye li pou jis lè lafwa ki te gen pou vini an, te parèt.
24
Ki vle di ke lalwa a te yon anseyan ki te pou mennen nou al jwenn Kris, dekwa pou nou jistifye pa mwayen lafwa.
25
Men, depi ke lafwa a vini an, nou pa anba yon anseyan ankò,
26
paske, nou tout, nou se pitit Bondye pa mwayen lafwa nan Jezi Kris.
27
Alò, tout moun pami nou ki te batize nan Kris, nou abiye nou ak Kris.
28
Pa gen ni esklav ni moun lib, ni Jwif, ni Grèk, pa gen ni gason, ni fi; paske, nou tout se youn, nan Kris Jezi.
29
E, si se pou Kris nou ye, donk se desandans Abraram nou ye; epitou, eritye dapre pwomès la.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!