Liv Galat
Chapit 6
Klike la pou koute lekti chapit sa1
Frè yo, si yo ta kenbe yon moun ap komèt yon fot, nou menm ki espirityèl yo, se pou nou remete l kanpe ak yon lespri dousè; epi, veye tèt pa nou, pou sa pa ta rive ke nou menm tou, nou ta tante.
2
Se pou youn pote pakèt pa lòt, e konsa, nou va akonpli lalwa Kris la.
3
Paske, si yon moun panse ke l se kichòy, alòske l pa anyen, l ap twonpe tèt li.
4
Men, se pou chak moun pwouve pwòp zèv pa li, se lè sa a sèlman ke l va gen rejwisans nan tèt pa l; men, se pa nan yon lòt moun.
5
Paske, chak moun va pote pwòp fado pa l.
6
Se pou moun k ap resevwa ansèyman pawòl la, pataje tout bon bagay ak moun k ap anseye l la.
7
Pinga twonpe tèt nou; yo pa ka pase Bondye nan rizib, paske, sa yon moun simen, se sa tou ke l ap rekòlte.
8
Paske, moun k ap simen pou lachè li, se nan lachè l ke li va rekòlte; men, moun ki simen pou Lespri a, l ap rekòlte lavi etènèl.
9
Epi, se pa pou nou sispann fè byen, paske, kou lè a rive, n a va rekòlte, si nou pa lage.
10
Toutotan donk ke nou gen okazyon an, se pou nou fè byen pou tout moun, espesyalman pou sila ki nan kay moun ki nan lafwa yo.
11
Nou wè longè yon lèt mwen ekri nou ak pwòp men m!
12
Tout moun sa yo k ap aji bèl ak nou nan lachè a, k ap fòse nou pou sikonsi a, se sèlman dekwa pouke yo pa pèsekite akòz kwa Kris la.
13
Paske, yo menm ki sikonsi a, yo pa obsève lalwa; men, yo vle fè nou sikonsi, pou yo ka glorifye tèt yo nan lachè nou.
14
Men, mande Bondye padon, pou mwen ta glorifye tèt mwen, eksepte nan kwa Senyè nou an, Jezi Kris; se nan Li menm ke lemonn krisifye parapò avè m, e mwen menm parapò a lemonn.
15
Paske, nan Kris Jezi, ni sikonsi pa regle anyen, ni pa sikonsi nonplis, men, se yon nouvèl kreyasyon.
16
E, tout moun ki mache dapre règ sa a, se pou lapè tonbe sou tèt yo, avèk mizerikòd, ak sou Izrayèl Bondye a!
17
Apati jodi a, pinga pèsonn fè m lapenn; paske, mwen pote mak Senyè Jezi yo sou kòm.
18
Frè yo, se pou gras Senyè Jezi a avèk lespri nou. Amèn
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!