Liv Efezyen
Chapit 2
Klike la pou koute lekti chapit sa1
E, nou menm, Li te rebann lavi, nou menm ki te mouri nan vyolasyon ak peche,
2
ke nan tan pase yo, nou te mache dapre kouran monn sa a, ann akò ak prens pouvwa ki nan lè a, lespri sa k ap fonksyone nan pitit rebelyon yo;
3
pami yo tou, nou tout te konn kondui tèt nou lontan nan move dezi lachè nou, pou satisfè move lanvi lachè ak lide ki pase nan tèt nou; e konsa donk, dapre nati nou, nou te pitit kòlè menm jan ak lòt yo.
4
Men Bondye, ki rich nan mizerikòd akòz gwo lanmou sa a ke Li renmen nou an,
5
menm lè nou te mouri nan peche, Li te reban nou lavi ansanm ak Kris (se pa mwayen lagras ke nou sove).
6
Lèfini, Li leve nou ansanm, epi Li fè nou chita ansanm nan espas ki nan syèl la, nan Kris Jezi,
7
dekwa pou ke nan tan k ap vini yo, Li kapab montre richès gras Li a ki san mezi, nan bonte Li anegad nou menm, atravè Kris Jezi.
8
Paske, se pa mwayen lagras ke nou sove, atravè lafwa; e, se pa nan nou menm sa fèt; se kado Bondye.
9
Se pa nan zèv, pou sa pa rive ke pyès moun glorifye tèt li.
10
Paske, nou se louvraj Li, nou te kreye nan Kris Jezi pou nou fè bòn zèv ke Bondye te òdone depi davans pouke nou mache ladan yo.
11
Kidonk, se pou nou sonje ke se Payen nou te ye nan lachè, ke nou te pote non ensikonsi pa sila yo ki te sikonsi nan lachè ak men lèzòm lan;
12
ke nan epòk sa a, nou pa t gen Kris, se moun lòt peyi nou te ye nan sosyete Izrayèl la; epi, nou te etranje nan alyans pwomès yo; nou pa t gen espwa, nou te san Bondye nan lemonn.
13
Men kounye a, nan Kris Jezi, nou menm ki te lwen lontan an, yo fè nou vin pre pa mwayen san Kris.
14
Paske, se Li ki lapè nou, Li menm ki fè ke yo de a vin fè yon sèl, epi ki vide miray separasyon ki te nan mitan nou an.
15
Difèt ke ak kò pa L, Li te aboli dozado a, lalwa kòmandman yo menm ki nan dekrè yo, dekwa pou nan Li menm Li fè ke de moun vin yon moun nouvo; e, Li fè lapè konsa;
16
ansuit, pou Li ka rekonsilye toulède ak Bondye nan yon sèl kò pa mwayen lakwa, difèt ke se konsa Li tiye dozado a.
17
Epi, Li vini, Li preche lapè bay nou menm ki te lwen yo, e bay sila ki te pre yo.
18
Paske atravè Li menm nou toulède jwenn aksè a Papa a, nan yon sèl Lespri.
19
Kounye a atò, nou pa etranje, ak moun deyò ankò, men pito, nou se konsitwayen avèk Sen yo, moun lakay Bondye.
20
Se sou fondasyon apot yo ak pwofèt yo ke yo bati nou; e Jezi Kris Li menm, se wòch poto mitan an.
21
Se nan Li ke tout pati nan kay la nèt vin byen poze ansanm, epi pou yo leve vin tounen yon tanp ki sen nan Senyè a.
22
Se nan Li menm ke nou menm tou, yo bati nou ansanm pou nou vin bitasyon Bondye, atravè Lespri a.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!