Liv Efezyen
Chapit 3
Klike la pou koute lekti chapit sa1
Se pou rezon sa a ke mwen menm Pòl, prizonye Jezi Kris pou nou menm Payen yo,
2
si nou tande pale de distribisyon gras Bondye ke Li ban mwen anegad nou:
3
kijan ke pa mwayen revelasyon, Li te fè m konnen mistè a; (tankou ke m te ekri nan detwa mo;
4
kote ke lè nou li l, nou va konprann konesans mwen nan mistè Kris)
5
ki nan lòt tan yo pa t devwale bay pitit lèzòm yo jan ke li revele kounye a bay apot ak pwofèt sen Li yo pa mwayen Lespri a.
6
Pouke Payen yo kapab vin eritye tou, e nan menm kò a, e pataje pwomès Li a nan Kris pa mwayen levanjil la,
7
kote ke yo te fè m vin yon minis dapre don gras Bondye a, ke yo ban mwen pa mwayen rezilta travay puisans Li.
8
Bay mwen menm, ki vo mwens pase sila ki pi piti nan tout sen yo, se mwen yo bay gras sa a, pouke m preche pami Payen yo richès Kris yo, richès ke moun pa ka konprann;
9
epi pou fè tout moun wè kisa entimite ki nan mistè a ye, e ki depi okòmansman lemonn te kache nan Bondye, Li menm ki te kreye tout bagay pa mwayen Jezi Kris,
10
defason pou chèf yo ak otorite yo ki nan espas nan syèl la te kapab konnen, gras a legliz, varyasyon san limit, sajès Bondye,
11
ann akò ak pwojè etènèl sa a ke Li te egzekite pa Jezi Kris, Senyè nou an.
12
Se nan Li menm ke nou gen asirans pou pwoche avèk konfyans pa lafwa nan Li.
13
Konsa donk, mwen mande nou pou nou pa dekouraje akòz tribilasyon mwen yo ki se glwa nou.
14
Pou rezon sa a, mwen met jenou m atè devan Papa Senyè nou an Jezi Kris,
15
Li menm ke tout fanmi an ki nan syèl la ak sou latè a jwenn non yo de Li a,
16
ke Li ta pèmèt nou, selon richès ki nan laglwa Li, pou nou ta fòtifye ak puisans pa mwayen Lespri Li, nan moun sa ki anndan nou an.
17
Pou ke Kris kapab abite nan kè nou pa lafwa; e ke difèt ke nou pran rasin e nou kanpe djanm nan lanmou,
18
nou kapab konprann ansanm ak tout lòt Sen yo, ki kalite lajè, longè, pwofondè, ak wotè,
19
e konnen lanmou Kris, ki depase konpreyansyon, dekwa pou nou ta vin plen ak tout totalite Bondye.
20
Kounye a atò, a Sila a ki kapab fè pi plis toujou ann abondans pase sa ke nou mande oswa panse, dapre pouvwa sa k ap travay anndan nou an,
21
se pou Li ke laglwa dwe ye nan legliz pa mwayen Kris Jezi pandan toutan, nan monn lan san janmen fini. Amèn.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!