Liv Filipyen
Chapit 1
Klike la pou koute lekti chapit sa1
Pòl ak Timote, sèvite Jezi Kris yo, a tout Sen nan Kris Jezi ki nan vil Filip, a evèk e dyak yo.
2
Ke gras la avèk nou, avèk lapè ki soti nan Bondye Papa a, ak nan Senyè Jezi Kris.
3
Mwen remèsye Bondye mwen an chak fwa ke m sonje nou;
4
tout tan, nan chak lapriyè pa m pou nou tout, m ap fè demann ak lajwa,
5
poutèt kominyon nou nan levanjil la, depi sou premye jou jis rive kounye a;
6
mwen gen asirans menm de sa, sèke Sila a ki kòmanse yon bon travay nan nou an, ap kenbe l pou jis rive nan Jou Jezi Kris la.
7
Epitou, se nòmal pou m panse sa de nou tout, paske mwen genyen nou nan kè m; sitèlman, ke nou la, e nan chenn mwen yo, e nan defans ak nan konfimasyon levanjil la, nou tout patisipe nan gras mwen an.
8
Paske, Bondye se temwen m, de bon kalite afeksyon sa a ke m genyen pou nou tout, avèk lanmou ki soti nan Jezi Kris la.
9
E, se sa mwen lapriyè, se pou lanmou nou grandi pi plis toujou nan konesans e nan tout jijman;
10
pouke nou ka dakò ak bagay ki pi bon yo, dekwa pou nou sensè e san repwòch jis rive nan jou Kris la;
11
puiske nou ranpli ak fwi ladwati yo, pa mwayen Jezi Kris, pou glwa ak lwanj Bondye.
12
Men, mwen ta vle nou konprann, frè mwen yo, ke bagay sa ki rive m yo, se vanse yo fè levanjil la vanse pito.
13
Se konsa ke chenn mwen yo pou Kris vin parèt aklè nan tout palè a, ak tout lòt kote.
14
E, anpil pami frè yo nan Senyè a, vin gen plis konfyans akòz chenn mwen yo, epi, yo gen plis asirans nan preche Pawòl la san krentif.
15
Genyen, avredi, ki preche Kris, menm pa anvi oswa diskisyon oubyen pou chèche kont; epi, gen lòt, se ak bon kè.
16
Yon gwoup ap preche pou chèche kont, se pasensè yo ye, yo vle met plis touman sou tèt chenn mwen yo;
17
alòske, lòt la, se ak lanmou, paske yo konnen ke mwen kanpe la pou m defann levanjil la.
18
Alò, kisa sa fè? Tout jan, ke se swa sou blòf, oswa anverite, yo preche Kris, e, mwen kontan pou sa; wi, m ap kontinye kontan!
19
Paske m konnen ke sa gen pou l tounen nan delivrans pou mwen gras a lapriyè nou yo, ak pwovizyon Lespri Jezi Kris la.
20
Dapre sa ke m ap tann rive ak kè cho a, e espwa m genyen, sèke mwen p ap wont nan anyen; men pito, ke ak fèmte, kòm toujou, pouke kounye a tou, Kris va glorifye nan kò mwen, kit nan lavi, kit nan lanmò.
21
Paske, pou mwen, viv, se Kris; e, mouri se yon gany.
22
Men, si viv m ap viv nan lachè a, se fwi travay mwen; poutan, mwen pa konn sa pou m ta chwazi non;
23
paske, mwen sènen tou de bò; mwen gen anvi pati pou m avèk Kris, se sa ki pi miyò lontan;
24
sepandan, rete nan lachè a pi nesesè pou nou menm.
25
Mwen gen asirans sa a, sèke, m konnen ke mwen va rete e kontinye avèk nou tout, pou pwogrè ak rejwisans lafwa nou.
26
Pouke rejwisans nou an ka ann abondans nan Jezi Kris, pou mwen menm, lè m vini bò kote nou ankò.
27
Sèlman, se pou konduit nou diy de levanjil Kris la, pouke swa ke m vin wè nou, oubyen ke m pa la, pou mwen pran nouvèl nou, ke nou kanpe fèm nan yon menm lespri, ak yon menm panse, n ap lite ansanm pou lafwa levanjil la.
28
E, pinga nou kraponnen pa advèsè nou yo; pou yo, sa va yon prèv ke yo pèdi; alòske pou nou, prèv ke nou sove; e, sa soti nan Bondye.
29
Paske, poutèt Jezi nou jwenn mwayen, non sèlman pou nou gen lafwa nan Li, mentou, pou nou soufri poutèt Li;
30
deske nou gen pou mennen menm konba sa a ke nou te wè nan mwen an, e ke kounye a, nou tande ki nan mwen an.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!