Liv Filipyen
Chapit 3
Klike la pou koute lekti chapit sa1
Anfen frè m yo, se pou nou rejwi nan Senyè a. Lefèt ke m ap plede ekri menm bagay yo ban nou, alaverite, sa pa jennen m, men, pou nou menm, se asirans.
2
Fè atansyon ak chyen yo, fè atansyon ak ouvriye malveyan yo, fè atansyon ak ansèyman sikonsizyon an.
3
Paske, se nou menm ki vre sikonsizyon an, nou menm k ap adore Bondye ann espri a, answit, k ap rejwi nan Kris Jezi, epi, ki pa met konfyans nou nan lachè.
4
Alòske, mwen ta gendwa mete konfyans pa m tou nan lachè. Si kèk lòt moun panse ke li gendwa mete konfyans li nan lachè, ebyen, mwen menm pi plis pase l!
5
Mwen sikonsi sou uityèm jou, m soti nan ras Izrayèl la, nan tribi Benjamen, yon Ebre, pitit Ebre; kanta pou lalwa, mwen se Farizyen.
6
Pou sa ki gen pou wè ak devouman, mwen pèsekite legliz; konsènan ladwati ke lalwa a mande a, mwen san repwòch.
7
Men, bagay sa yo ki te yon gany pou mwen, se yo mwen konte tankou pèd poutèt Kris.
8
Wi, pa gen dout, epi, mwen konsidere tout bagay tankou pèd, akòz kalite siperyè konesans Kris Jezi, Senyè nou an; se pou Li menm ke mwen bay tout bagay vag, e ke mwen konsidere yo tankou fatra, dekwa pou mwen ka pran Kris;
9
e, pou yo ka jwenn mwen nan Li, nonpa ak pwòp ladwati pa m, ki se lalwa, men pito, sa a ki pa mwayen lafwa nan Kris la, ladwati ki soti nan Bondye a; ki pa mwayen lafwa a.
10
Se pou m ka konnen Li, ak puisans rezireksyon Li an, ak kominyon nan soufrans Li yo, pou m vin konfòm avèk Li nan lanmò L;
11
e, si sa posib, pou m ka rive jiska nan rezireksyon mò yo.
12
Se pa kòmsi mwen fin rive, oswa ke m deja okonplè non, men, m ap mache dèyè yo pou m wè si m ka met men sou yo, paske, se ak yo ke Kris Jezi te met men sou mwen.
13
Frè yo, mwen pa konsidere ke m rive met men sou yo, men gen yon bagay ke m fè: mwen bliye bagay sa ki pa dèyè yo, epi, m lonje ann avan sou bagay ki pa devan yo.
14
M ap kouri nan direksyon gòl la, pou rekonpans ki nan gwo kokenn apèl Bondye a, nan Kris Jezi.
15
Alò, an nou, sila yo ki okonplè yo, ann panse menm jan an; e, si sa ta rive ke nan kèk bagay, nou ta gen yon lòt panse, Bondye va revele nou menm sa tou.
16
Sepandan, kote nou gentan rive la a, se pou nou mache dapre menm prensip la, se pou lide nou sou menm bagay la.
17
Frè yo, se pou nou tout ansanm imite mwen, epitou, pou nou kenbe je nou sou moun k ap mache dapre egzanp nou genyen nan mwen an.
18
Paske, anpil moun ap mache, e, mwen te pale nou de yo souvan, kounye a, se ak dlo nan je m ap di nou sa, ke se lènmi lakwa Kris la yo ye;
19
Lafen moun sa yo se destriksyon, bondye pa yo se vant yo, epi, glwa yo se nan lawonte yo li ye; se moun ki gen lide yo sou bagay ki sou latè.
20
Men, se sitwayen syèl la nou ye, se la tou ke n ap tann Sovè a, Senyè Jezi Kris;
21
Li ki va chanje kò lawonte nou an, pou ke li vin fòme tankou kò pa Li nan laglwa L la, dapre pouvwa ke Li genyen pou mete tout bagay anba otorite pa L.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!