Liv 1 Tesalonisyen
Chapit 1
Klike la pou koute lekti chapit sa1
Pòl, ansanm ak Silven ak Timote, a legliz Tesalonisyen an ki nan Bondye Papa a, e nan Senyè Jezi Kris. Se pou w jwenn gras ak lapè bò kote Bondye Papa nou an, ak Senyè Jezi Kris.
2
Se toutan n ap rann Bondye gras pou ou; lè nou nonmen non w nan lapriyè nou.
3
Lè n ap sonje san rete zèv ou nan lafwa, travay ou nan lanmou, epi, pasyans ou nan esperans ke w genyen nan Senyè Jezi Kris, devan je Bondye e Papa nou an.
4
Nou rekonèt, frè byenneme yo, ke se Bondye ki chwazi w.
5
Paske, levanjil nou an pa t rive jwenn ou nan pawòl sèlman; mentou, nan puisans, e nan Lespri Sen an, avèk bonjan asirans; tankou ke w konnen ki kalite moun nou te ye lè n te nan mitan w lan, pou byen w.
6
Lèfini, ou te vin disip mwen, e disip Senyè a, lè ke w te resevwa Pawòl la anba anpil tribilasyon, avèk lajwa Lespri Sen an;
7
ansòt ke w te vin modèl pou tout moun ki kwè yo nan Masedwàn ak Akayi.
8
Avredi, se kote w ke bwi Pawòl Senyè a rezonnen, non sèlman nan Masedwàn ak Akayi, mentou, se nan tout kote ke lafwa ke w genyen nan Bondye a gaye aletranje; ansòt ke nou menm, nou pa bezwen di yon mo.
9
Paske, se moun sa yo menm ki rakonte nou ki kalite efè nou te gen sou ou, e kijan w te kite zidòl pou vire vin jwenn Bondye; e pou w sèvi Bondye vivan an, vre Bondye a;
10
epi, pou w rete tann Pitit Gason Li a soti nan syèl la, Li menm nan ke Li te resisite pami mò yo, Jezi Li menm, ki te delivre nou anba kòlè ki gen pou vini an.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!