Liv 2 Tesalonisyen
Chapit 1
Klike la pou koute lekti chapit sa1
Pòl, ansanm ak Silven ak Timote, bay legliz Tesalonisyen yo, nan Bondye Papa nou an, e Senyè nou an, Jezi Kris.
2
Ke gras tonbe sou ou, ansanm ak lapè ki soti kote Bondye Papa nou an e Senyè Jezi Kris.
3
Mwen menm ak lòt yo gen obligasyon pou rann Bondye gras toutan poutèt ou, frè yo, kòm sa dwa; paske, lafwa w grandi anpil, epi ou vin gen yon lanmou ann abondans nan kè w youn pou lòt.
4
Se sa k fè ke mwen menm ak lòt yo fè lwanj ou nan legliz Bondye yo, pou pasyans ou ak lafwa w genyen nan mitan pèsekisyon ak tribilasyon ke w ap pase yo.
5
Se yon prèv de jistis ki gen nan jijman Bondye a, ansòt ke w ka fè pati de moun ki merite wayòm Bondye a; dayè, se sa ki lakòz ke w ap soufri a.
6
Lè w wè ke se yon bagay ki jis ak Bondye pou ke Li lage tribilasyon kay moun k ap trakase w yo;
7
epi, ke ou menm ke y ap trakase a, va jwenn repo ansanm avèk nou, lè Senyè Jezi va parèt nan syèl la avèk zanj puisan Li yo;
8
se nan mitan flanm dife ke Li va pran vanjans sou moun ki pa konn Bondye yo, e ki pa obeyi levanjil Jezi Kris, Senyè nou an;
9
yo va pini yo ak yon destriksyon etènèl, andeyò de prezans Senyè a, e andeyò de glwa puisans Li an.
10
E, nan jou sa a, lè Li va vini pou ke Li jwenn glwa nan Sen Li yo, e pouke tout moun ki te kwè nan Li yo ka admire Li (paske, ou te kwè temwayaj ke nou te ba ou yo).
11
Se rezon sa a tou ki fè ke n ap lapriyè toutan pou ou, dekwa pou Bondye nou an va konte w pami moun ki merite apèl sa a; epi, pou Li akonpli tout bon plezi ki nan bonte Li, ansanm ak zèv k ap fèt pa lafwa yo avèk puisans;
12
yon jan pou ke non Jezi Kris, Senyè nou an, ka glorifye nan ou; epi, ke w va glorifye nan Li, dapre gras Bondye nou an ak Jezi Kris, Senyè a.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!