Liv 2 Tesalonisyen
Chapit 3
Klike la pou koute lekti chapit sa1
Finalman, frè yo, lapriyè pou nou pouke Pawòl Senyè a ka gaye rapid, e ke li glorifye, menm jan ke li glorifye avè w la;
2
e, lapriyè pouke nou ka delivre anba men moun pèvèti e mechan yo; paske, se pa tout moun ki gen lafwa.
3
Sepandan, Senyè a fidèl; se Li menm ki va tabli w, e pwoteje w kont sa ki mal.
4
E, nou gen konfyans nan Senyè a konsènan ou menm, ke w ap fè e va kontinye fè sa ke nou te kòmande w yo.
5
E, Senyè a ap dirije kè w nan lanmou Bondye ak nan andirans ou pou Kris.
6
Kounye a la a , nou kòmande w, frè yo, nan non Jezi Kris, Senyè nou an, pou w separe tèt ou ak tout frè k ap mache nan dezòd, e nonpa dapre tradisyon ke li te resevwa de nou an.
7
Paske, ou menm, ou konn kijan w sipoze suiv nou, paske, nou pa t aji an dezòd nan mitan w.
8
Nonplis tou, nou pa t manje manje okenn moun gratis; okontrè, nou te fè efò pou nou travay e redi lajounen kou lannuit, dekwa pou n pa t sou chaj okenn nan nou.
9
Se pa paske nou pa t gen dwa pou nou ta sou kont ou non; men, se pou nou te ka sèvi kòm modèl pou ou, e ke w suiv nou.
10
Paske, menm lè nou te lakay ou a, nou te kòmande w, ke yon moun ki derefize travay, pa dwe manje nonplis.
11
Paske, nou tande ke gen kèk moun k ap mache fè dezòd pami nou, yo pa travay ditou, alòske yo nan tout sòs.
12
Kounye a, moun ki konsa yo, nou kòmande yo e nou egzòte yo nan non Jezi Kris, Senyè nou an, pou ke yo travay trankilman, epi pou yo manje pwòp manje pa yo.
13
Men ou menm, frè yo, pa sispann fè sa ki byen.
14
E, si yon moun pa obeyi pawòl nou di nan lèt sa a, make moun nan, e pa mele avè l, dekwa pou l ka wont.
15
Men, pa konsidere l tankou yon ènmi non; okontrè, pale ak li tankou yon frè.
16
E konsa, se pou Senyè lapè a Li menm ban nou lapè toutan e tout jan. Ke Senyè a avèk nou tout.
17
Sa a, se salitasyon mwen menm Pòl ak pwòp men m; ki se siyati ki nan tout lèt yo; se konsa m ekri.
18
Gras Senyè nou an, Jezi Kris, avèk nou tout. Amèn.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!