Liv 2 Timote
Chapit 4
Klike la pou koute lekti chapit sa1
Alò, m ap ba w chaj sa a devan Bondye ak devan Senyè Jezi Kris, ki va gen pou jije e vivan e mò lè Li parèt epi ke Li tabli wayòm Li an.
2
Preche Pawòl la san rete, kit nan bon tan, kit nan move tan. Demanti, blame, egzòte avèk pasyans ak ansèyman.
3
Paske, tan yo ap vini lè moun yo pa p tolere ansèyman kòrèk la; men, se dapre pwòp move dezi yo ke yo va anpile pwofesè pa yo, poutèt zòrèy yo grate yo.
4
Alèkile, yo va detounen zòrèy yo de verite a, epi yo va vire nan lejann.
5
Men ou menm, se pou w veyatif nan tout bagay; andire malè, fè travay yon evanjelis dwe fè, akonpli ministè w kòm sa dwa.
6
Paske, kounye a mwen pre pou ke yo bay mwen kòm ofrann; e lè pou m ale a rive.
7
Mwen goumen yon bon batay, mwen fini kous mwen an, mwen kenbe lafwa.
8
Kounye a la a, gen yon kouwòn jistis ki pare pou mwen, ke Senyè a, Jij ki jis la, va ban mwen nan jou sa a; e, se p ap bay mwen menm sèlman non, men bay tout sila yo tou ki va renmen retou Li a.
9
Fè vit pou vin kote m tousuit,
10
paske Demas vire do kite m palefèt ke l renmen tan kounye a; kidonk, misye ale Tesalonik. Kresan al Galasi, epi Tit al Damasi.
11
Se Lik sèl ki la avè m. Pran Mak, e mennen misye avèk ou, paske li itil mwen nan ministè a.
12
Epi Tichik, mwen voye misye Efèz.
13
Manto a ke m te kite Twowas nan men Kapis la, lè w ap vini, pran l avèk ou, ansanm ak liv yo; men espesyalman, pachemen yo.
14
Aleksann, bòs fòjwon an, te fè m anpil mal; Senyè a va remèt misye sa dapre zèv li yo.
15
Fè atansyon ak misye tou, paske li te opoze l ak fòs kont pawòl nou yo.
16
Nan premye repons ke m te bay la, pèsonn pa t kanpe avè m, men tout mesye yo te lage m; mwen priye Bondye pou sa pa konte kont yo.
17
Men, Senyè a te kanpe la avè m, e Li te ban m fòs, pou ke se pa mwayen mwen menm ke predikasyon te akonpli nèt, e ke tout Payen yo te ka tande. E konsa, mwen te delivre anba bouch lyon an.
18
Senyè a va delivre m anba tout move zèv, epi L ap prezève m pou wayòm Li nan syèl la. Se Li menm ki pou gen glwa pou letan e pou toutan! Amèn.
19
Salye Priska ak Akilas, epi moun kay Onezifò yo.
20
Eras te rete Korent; men Twofim, mwen te kite misye malad nan Milè.
21
Fè vit pou w vini anvan ivè a. Ebilis voye salye w ansanm ak Pidens, Linis, Klodya, e tout frè yo.
22
Ke Senyè Jezi avèk lespri w! Se pou gras la avèk ou! Amèn.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!