Liv Filemon
Chapit 1
Klike la pou koute lekti chapit sa1
Pòl, prizonye pou Jezi Kris, epi Timote, frè nou, a Filemon, chè byenneme nou, e konpayon nou nan travay la,
2
epitou, a byenneme Afya, ak Achip ki se sòlda parèy ak nou, e a asanble ki lakay ou a.
3
Gras pou nou, ak lapè ki soti kote Bondye Papa nou an, ak Senyè Jezi Kris.
4
Mwen remèsye Bondye m nan dèske mwen toujou ap nonmen non w nan lapriyè m;
5
lè mwen tande nouvèl de lanmou w ak lafwa ke w genyen nan Senyè Jezi Kris, e pou tout sen yo;
6
pouke kominyon lafwa w la kapab pote rezilta lè moun vin pran konesans de tout bon travay ki lakay ou, nan Jezi Kris.
7
Paske, nou te gen gwo lajwa ak konsolasyon nan lanmou w, difèt ke kè Sen yo te soulaje gras a ou, frè a.
8
Se sa k fè, kwake mwen gen tout asirans nan Kris pou m ta kòmande w fè sa ki konvnab,
9
men, akòz lanmou, mwen pito sipliye w, palefèt ke m konsa a, Pòl, ki granmoun nan, epi, kounye a tou, prizonye pou Jezi Kris.
10
M ap sipliye w pou pitit gason mwen an, Onezim, ke m te bay nesans pandan m nan chenn yo;
11
li menm ki, nan tan pase yo pa t benefisye w anyen, men ki kounye a, pwofitab e pou ou, e pou mwen.
12
Se li ke mwen voye tounen; konsa, ou menm, resevwa li, li se pwòp kè mwen;
13
li menm ke m ta kenbe avè m, pou ke nan plas ou, li ta sèvi m pandan ke m nan chenn pou levanjil la.
14
Men, san konsantman w, mwen pa t ap fè anyen, dekwa pou sèvis ou a ta vin kòmsi se te yon bagay yo te fòse w fè, men pito, kòm yon bagay ke w te gen volonte pou w fè.
15
Epi, petèt konsa tou, li te pati pou yon tan, pouke w te vin resevwa l pou tout tan.
16
Men, se pa tankou yon esklav, men siperyè a yon esklav, yon frè byenneme, espesyalman frè pa m, e plis pou ou toujou, e nan lachè, e nan Senyè a.
17
Konsa, si w konsidere m tankou patnè w, resevwa l tankou se ta mwen menm.
18
Si li te fè w yon bagay ki mal oswa ke l te dwe w, met sa sou kont mwen.
19
Mwen menm Pòl, mwen ekri sa ak pwòp men m, m ap repeye l; san ke m pa menm pale w kòman ke ou menm, ou dwe m menm tèt pa w ankò.
20
Wi, frè a, fè m plezi sa a, nan Senyè a; soulaje kè m, nan Senyè a.
21
Se paske mwen gen konfyans nan obeyisans ou, kifè m ekri w; paske, mwen konnen tou, ke w ap fè plis pase sa m di a.
22
Men, pandanstan, pare yon chanm pou mwen, paske mwen kwè ke gras a lapriyè nou yo, ke yo va libere m ban nou.
23
Moun ki salye w yo, se Epafras, prizonye parèy mwen pou Jezi Kris,
24
Mak, Aristak, Demas, Lik, moun ki se travayè parèy mwen.
25
Ke gras Senyè Jezi Kris la, avèk lespri nou! Amèn.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!