Liv Ebre
Chapit 2
Klike la pou koute lekti chapit sa1
Se poutèt sa, nou dwe bay bagay sa yo ke nou tande yo plis atansyon toujou, pou sa pa ta rive ke yon lè, nou ta kite yo ale.
2
Paske, si pawòl ke zanj yo te anonse a, te kanpe fèm, e, ke tout vyolasyon ak dezobeyisans, te resevwa yon chatiman ki jis;
3
kijan n ap ka chape, si nou neglije gwo kokenn sali nanm sa a, ki okòmansman, te anonse pa Senyè a, epi, ki vin konfime ban nou, pa sila ki te tande Li yo?
4
Bondye sètifye temwayaj yo, e avèk siy ak mèvèy, e ak divès mirak, avèk don Lespri Sen an, dapre pwòp volonte Li.
5
Paske, se pa anba otorite zanj yo non, ke Li soumèt monn ki gen pou vini an, ke n ap pale de li a;
6
men, gen yon moun yon kote, ki te bay temwayaj sa a: Kisa lòm ye, pou W ap panse a li? Oubyen Pitit Gason Lòm nan, pou W vin vizite L?
7
Ou fè L yon ti kras pi ba pase zanj yo, ansuit, Ou kouwone L ak glwa e onè, epi, Ou mete Li chèf sou tout zèv ke men W te kreye.
8
Ou soumèt tout bagay anba pye L. Paske, pa lefèt ke Bondye soumèt tout bagay anba L la, Li pa kite anyen ke Li pa soumèt anba L. Epoutan, kounye a, nou poko wè ke tout bagay anba L;
9
men, nou wè Jezi, ki te fèt yon ti kras pi ba pase zanj yo, pou soufrans lanmò a, Li te kouwone ak glwa e onè, pouke pa gras Bondye, Li te ka goute lanmò pou tout moun.
10
Paske, sa rive ke Li menm, ke tout bagay pou Li a, e ke tout bagay soti nan Li a, nan mennen Li mennen anpil pitit nan laglwa a, Li te fè Kapitèn sali nanm yo a, vin okonplè, atravè soufrans.
11
Paske, e Li menm ki sanktifye a, e sila ki sanktifye yo, yo tout se youn; se pou rezon sa a, Li pa wont rele yo frè;
12
Li te di: M ap anonse non W ba frè Mwen yo, nan mitan asanble a, M ap chante lwanj pou Ou.
13
E ankò: M ap mete konfyans Mwen nan Li; epi ankò, Men Mwen wi, avèk pitit Bondye ban Mwen yo.
14
Konsa donk, kòm pitit yo patisipe nan chè ak san, Li menm tou, Li patisipe nan menm bagay la, pouke pa mwayen lanmò, Li te ka detwi sila ki gen pouvwa lanmò a, ki se dyab la.
15
Epi, Li delivre moun yo, ki, difèt ke yo pè lanmò a, te pase tout lavi yo nan esklavaj.
16
Paske, vrèmanvre, se pa t nati zanj yo ke Li te pran; men, Li te pran sou Li semans Abraram nan.
17
Se pousa ke nan tout bagay, Li te sipoze fèt menm jan ak frè Li yo, pou Li te ka vin yon Sakrifikatè Souvren ki gen mizerikòd, e ki fidèl, nan bagay ki gen pou wè ak Bondye yo, pouke Li fè rekonsilyasyon pou peche pèp la.
18
Paske, Li menm, Li te soufri, difèt ke L te tante a, Li kapab pote sekou ba moun ki tante yo.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!