Liv Ebre
Chapit 5
Klike la pou koute lekti chapit sa1
Paske, tout sakrifikatè souvren, ki chwazi pami lèzòm, yo plase l la pou lèzòm, nan bagay ki gen pou wè ak Bondye; dekwa pou li ofri e ofrann, e sakrifis, pou peche;
2
li ka gen konpasyon pou moun ki san konesans yo, ak sa ki pèdi wout yo a, difèt ke li menm tou, li atake tout jan ak feblès.
3
E, pou rezon sa a, li oblije, menm jan li fè pou pèp la, bay ofrann pou peche pa l tou.
4
Epi, okenn òm pa kapab pran onè sa a pou kò l, men, se moun Bondye chwazi, tankou sa te fèt pou Arawon.
5
Konsa tou, Kris pa t glorifye tèt Li pou Li fè L yon Sakrifikatè Souvren; men, Sila ki te di Li: Ou se Pitit Gason M, jodi a, Mwen ba W nesans;
6
menm jan ke Li te di yon lòt kote: Ou se yon Sakrifikatè pou toutan, dapre tip òdonans Mèlkizedèk la.
7
Se Li menm, nan jou Li te nan lachè yo, lè Li te ofri lapriyè ak siplikasyon avèk gwo rèl ak kriye bay Sila ki te kapab sove L anba lanmò a, e Li te tande L, akòz krentif Li pou Bondye;
8
malgre ke L te yon Pitit Gason, poutan, Li aprann obeyisans, pa mwayen sa ke Li te soufri yo.
9
E, Li te rive okonplè, se Li ki vin pwodiktè sali nanm etènèl la, pou tout moun ki obeyi L.
10
Se Bondye ki rele L Sakrifikatè Souvren, dapre tip òdonans Mèlkizedèk la.
11
Gen anpil bagay pou nou ta di de misye; e, se de bagay ki difisil pou pale, difèt ke nou vin lou nan tande.
12
Paske, nou menm ki depi lontan, ta dwe pwofesè, nou twouve bezwen yon moun pou anseye nou ankò, sa ki prensip preliminè, nan deklarasyon Bondye yo; epi nou vin tankou ke n bezwen lèt pou bwè, olye de manje solid.
13
Paske, tout moun ki nan bwè lèt, pa gen eksperyans nan Pawòl ladwati a, paske l se yon tibebe.
14
Men, gwo manje fèt pou moun ki gen laj; yo menm ki, difèt ke yo gen ase pratik, yo vin egzèse sans yo, pou konn diferans ant byen ak mal.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!