Liv Jak
Chapit 4
Klike la pou koute lekti chapit sa1
Ki bò goumen ak kont yo sòti nan mitan nou? Èske se pa nan dezi nou gen pou plezi k ap batay nan manm kò nou ke yo soti?
2
Nou konvwate, men nou pa posede; nou asasinen, nou gen dezi pou n genyen, epi nou pa ka jwenn; nou lite, nou batay, malgre sa, nou pa genyen, paske nou pa mande.
3
Nou mande, e, nou pa resevwa, paske nou mande mal, pou n itilize li pou konvwatiz nou yo.
4
Adiltè ak adiltèz ke nou ye; èske nou pa konnen ke zanmitay ak lemonn, se fè lènmi ak Bondye? Nenpòt moun donk, ki se zanmi lemonn, li se lènmi Bondye.
5
Èske nou panse ke se pou anyen ke Lekriti di: Lespri ki abite nan nou an jalou?
6
Mentou, li bay plis gras. Se poutèt sa Li di: Bondye reziste moun ki gen lògèy yo, men, Li fè gras a moun ki rabese tèt yo.
7
Soumèt tèt nou alò bay Bondye. Kenbe tèt ak dyab la, epi, li va kouri al kite nou.
8
Pwoche pre Bondye, Li va pwoche pre nou. Netwaye men nou, nou menm pechè, e pirifye kè nou; moun de lide ke nou ye!
9
Santi mizè nou, epi rele, e kriye; se pou griyen dan nou vin tounen kri rèl, epi lajwa nou vin tounen lapenn.
10
Rabese tèt nou devan je Senyè a, e, Li va relve nou.
11
Frè yo, se pa pou nou youn pale lòt mal. Moun k ap pale frè l mal, e k ap jije frè li, l ap pale lalwa mal, epi, l ap jije lalwa. Men, si w jije lalwa, ou pa yon moun k ap suiv lalwa, men, se jij li ou ye.
12
Gen yon grenn Moun ki bay lalwa, Li kapab e sove, e detwi. Kiyès ou ye, pou w ap jije yon lòt moun nan?
13
Kounye a, tande non, nou menm k ap di: Jodi a oswa demen, nou pral nan tèl vil, epi, n ap fè yon lane la, ansuit, n ap achte, n ap vann, epi n ap fè benefis;
14
alòske, nou pa konn kisa demen ap pote. Paske, kisa lavi w ye? Li se tankou yon vapè ki parèt pou yon ti moman, epi apre sa, li disparèt ale.
15
Alò, sa nou dwe di, se: Si Bondye vle, nou va viv, e, n a fè sesi oswa sela.
16
Men, twouve ke nou rejwi nan lògèy nou yo; tout rejwisans konsa, se lemal.
17
Konsa donk, pou moun ki konnen pou l fè sa ki byen an, epi ki pa fè l la; pou li, se peche sa ye.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!