Liv Jak
Chapit 5
Klike la pou koute lekti chapit sa1
Kounye a, tande non, nou menm moun rich yo; kriye e jemi pou mizè ki gen pou tonbe sou nou yo.
2
Richès nou yo ap pouri, epi mit ap manje rad nou yo.
3
Lò ak ajan nou yo ap wouye, e, lawouy ki sou yo a ap sèvi temwen kont nou; epi l gen pou l manje chè nou tankou si l te dife. Nou anpile richès met sou kote, pou dènye jou yo;
4
gade, men salè travayè ki te sèkle jaden nou yo, epi ke nou te kenbe ladan l nan magouy la; y ap rele anmwe; e, rèl moun sa yo ki te sèkle a, rive nan zòrèy Senyè lame nan syèl yo.
5
Nou te viv nan plezi sou latè, e nou te nan liks, nou te angrese kè nou, tankou jou labatwa;
6
nou kondane, e nou tiye Moun ki jis la, e, Li pa kenbe tèt ak nou.
7
Se pou nou pran pasyans, frè yo, pou jis Senyè a vini. Gade kiltivatè a ret tann fwi latè a ki gen valè a, e, li pran anpil pasyans avèk li, jiskaske li resevwa lapli premye ak dènye sezon yo.
8
Se pou nou menm tou, nou pran pasyans; fòtifye kè nou, paske, retou Senyè a pre rive.
9
Pa plenyen youn kont lòt, frè yo, pou sa pa ta rive ke nou kondane; gade, Jij la kanpe nan papòt la!
10
Frè mwen yo, se pou nou pran pwofèt yo kòm egzanp soufrans ak mizè, epi pasyans.
11
Gade, nou konsidere ke moun ki kenbe fèm yo, se moun ki beni. Nou te tande pale de pasyans Jòb, epi, nou te gade kisa Senyè a te fè alafen; ke Senyè a plen mizerikòd ak kè sansib.
12
Men anvan tout bagay, frè mwen yo, pa sèmante ni sou syèl la, ni sou latè, ni sou okenn lòt sèman; se pou wi nou se wi; epi non nou se non, pou sa pa ta rive ke nou tonbe anba kondanasyon.
13
Èske gen kèk moun pami nou k ap soufri? Se pou l lapriyè. Èske genyen ki nan lajwa? Se pou l chante kantik.
14
Èske gen kèk moun pami nou ki malad? Se pou l mande pou ansyen yo nan legliz la, e, yo dwe lapriyè sou li, pase lwil sou kò l nan non Senyè a.
15
E, lapriyè lafwa a, va delivre malad la; epi, Senyè a va fè l kanpe; e, si l te komèt peche, li va jwenn padon pou yo.
16
Konfese fòt nou, youn bay lòt, e, lapriyè youn pou lòt; pou nou ka geri. Bon jan lapriyè devwe, moun ki jis la, bay anpil rezilta.
17
Eli te yon moun ke nati l te menm jan ak pa nou; li te lapriyè ak ensistans, pou lapli pa t tonbe, epi, lapli pa t tonbe sou latè pandan twazan sis mwa.
18
Lèfini, li lapriyè ankò, e, syèl la te bay lapli, e tè a te bay fwi li.
19
Frè mwen yo, si youn nan nou ta ale kite chemen verite a, epi yon lòt ta mennen l tounen,
20
se pou l konnen, ke moun ki konvèti pechè a, ki fè l soti nan lerè move chemen l t ap suiv la, li va sove yon nanm anba lanmò, e, li va kouvri yon bann peche.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!