Liv Apokalips
Chapit 15
Klike la pou koute lekti chapit sa1
Epi, mwen wè yon lòt siy nan syèl la, yon gwo bagay, yon mèvèy: sèt zanj ki te gen sèt dènye kalamite yo; paske se yo menm ki te plen ak kòlè Bondye a.
2
Ansuit, mwen wè kòmsi w ta di yon lanmè an vit ki melanje ak dife; epi, moun yo ki te gen laviktwa sou bèt la, e sou imaj li a, e sou mak li a, e sou nimewo non li a, te kanpe sou lanmè an vit la, yo te gen hap Bondye nan men yo.
3
E, yo chante kantik Moyiz sèvitè Bondye a, ak kantik Ànyo a; yo t ap di: Travay Ou yo gran e yo mèveye, Senyè Bondye Toupuisan; e, chemen W yo se jistis ak verite, Ou menm, Wa sen yo.
4
Kiyès ki pou pa ta gen krentif pou Ou, O Senyè, kiyès ki pou pa ta glorifye non W? Paske se Ou menm sèl ki sen; e poutèt sa, tout nasyon va vini pou adore devan W, paske jijman W yo parèt aklè.
5
E apre sa, m gade, epi, men li: tanp tabènak temwayaj la ki nan syèl la te louvri!
6
Alèkile, sèt zanj yo soti nan tanp lan, ak sèt kalamite yo nan men yo; yo te abiye ak twal len blan fen; e, yo te gen senti ann ò ki kwaze sou lestomak yo.
7
Epi, youn nan kat kreyati yo lonje bay sèt zanj yo sèt bòl plen ak kòlè Bondye, ki vivan pou toutan e pou letènite.
8
Lè sa a, tanp lan te plen ak lafimen ki soti de glwa Bondye, e de puisans Li; e, pèsonn pa t ka antre nan tanp lan, jiskaske sèt kalamite ki te nan men sèt zanj yo te akonpli.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!