Liv Apokalips
Chapit 20
Klike la pou koute lekti chapit sa1
Epi, mwen wè yon zanj desann sot nan syèl la, li te gen kle twou san fon an ak yon gwo chenn nan men l.
2
Epi, li kenbe dragon an, ansyen sèpan sa a, ki se dyab la, e Satan; lèfini, li mare l pou mil an;
3
e, li lage l anba nan twou san fon an; e, li klete l anndan l; e, li poze sele sou li, dekwa pou l pa twonpe nasyon yo ankò, jiskaske mil an yo fin pase; men apre sa, fòk li lage pou yon ti tan.
4
Epi, mwen wè yon seri twòn, ak moun ki chita sou yo; e, yo te ba yo otorite fè jijman; ansuit, mwen wè nanm sila yo ke yo te koupe tèt yo a akòz temwayajl Jezi a, e akòz Pawòl Bondye a; e, ki pa t adore bèt la, ni imaj li a; e, ki nonplis tou pa t resevwa mak li a sou fwon yo oswa nan men yo; epi, yo vin gen lavi, e yo reye ak Kris pandan mil an.
5
Sepandan, rès mò yo menm, yo pa reviv jiskaske mil an fin pase. Se premye rezireksyon an sa.
6
Se yon moun beni e ki sen, sila ki patisipe nan premye rezireksyon an; dezyèm lanmò a pa gen pouvwa sou moun konsa yo; men pito, sa yo va ye, se sakrifikatè Bondye, ak sakrifikatè Kris; e, yo va reye avèk Li pandan mil an.
7
E, lè mil an yo fini, Satan va lage sot nan prizon;
8
epi, li va mache al twonpe nasyon ki nan kat kwen latè yo, Gòg ak Magòg, e rasanble yo ansanm pou lagè; kantite moun sa yo ap tankou sab lanmè.
9
Alèkile, yo monte al nan tout sifas latè; epi, yo ansèkle kan kote Sen yo te ye a, ak vil byenneme Bondye a; alò, dife desann sot nan syèl la kote Bondye, e li devore yo.
10
Lè sa a, dyab la ki te twonpe moun yo a, yo lage li nan lak dife ak souf la, kote bèt la ak fo pwofèt la ye a; li va toumante lajounen kou lannuit pou toutan e pou letènite.
11
Epi, mwen wè yon gwo twòn blan, ak Sila ki chita sou li a; Li menm ke latè a ak syèl la te pran lafuit devan L nan; men, pa t gen okenn plas ki te jwenn pou yo.
12
E, mwen wè mò yo, piti kou gran ki te kanpe devan Bondye; epi, yo louvri liv yo, ki se liv lavi a; alò, mò yo te jije dapre bagay ki te ekri nan liv yo, ann akò avèk zèv yo te fè.
13
Alèkile, lanmè a remèt mò ki te nan li yo; lanmò ak lanfè livre mò ki te nan yo; epi, chak moun te jije dapre zèv li yo.
14
Alò, yo voye lanmò ak lanfè jete nan lak dife a. Se dezyèm lanmò a sa.
15
Konsa, nenpòt moun ke yo pa t jwenn ekri nan liv lavi a, yo te lage l nan lak dife a.
Met men avèk nou nan reyalizasyon yon tradiksyon labib ki fyab, kòrèk e solid. An nou envesti nan lavni espirityèl chak Ayisyen!
Pawòl Bondye se sèl espwa pèp Ayisyen!